Azken hausnarketa

Hau da nire Portfolioaren azken hausnarketa. Orokorrean, balantze positibo bat egiten dut, eta horren inguruan pixkat hitz egiteko honako ikusentzunezko hau azaleratzen dizuet:

"Solidotik likidora"

Honako hau teoria saioan nire lan-taldearekin gauzatutako lanaren laburpena da; sites-ean partekatuta daukat ere.

Gure taldea: 4.

Gaia: Solidotik likidora

Artikuluaren laburpena

 

Solidotik likidora, gizarte orokorrean gizarte digitalaren alfabetizazio berrietarako modelo bat eskaintzen duten artikuluak bat da. Baumanen metafora erabiliz, kultura “solidoaren” eta XlX. eta XX. mendearen arteko informazioaren kultura “likidoaren” pozizioari erreferentzia egiten zaio; zeinean 2.0 web-ak gure gaur egungo kulturako faktore anitzengan efektu esanguratsu asko dauzkan.

Alfabetizazioak eremu digital batean subjektu bezalako identitatezko garapen prozesu bat aurkeztu beharra dauka. Era berean, honek informazioarekin interakzionatzeko eta modu kritiko eta emantzipatzaile gisa birsortzeko konpetentzia intelektualen, sozial eta etikoen apropiazio esanguratsuagatik nabarmendua izan beharra dauka. Beraz, esan daiteke alfabetizazioaren meta subjektu bakoitzarengan ziberespazioaren kultura kritikoan, formalean eta autonomoan antzeztu eta parte hartzeko gaitasuna garatzea izango dela. Oro har, hau, gizarte informazionalaren hiritar guztien eskubide eta beharrizan bat da.

Garai berriek, aktore gehiago sortu dituzte, hala nola, internet, telefonia mugikorra, bideojoko eta gainontzeko baliabide digitalak. Hauek, gure esperientzia aspektu anitzetan aldatzen ari dira: aisian, komunikazio pertsonaletan, ikaskuntza-prozesuan, lan-munduan, etab. Digitala dena, kultura solidoaren eta kontsumismoaren esperientziatik ondo ezberdindutako esperientzia likidoa da, eta horrenbestez, ikuspuntu eta alfabetizazio eta aprendizai eredu berrien beharrizana du.

Bideoaren sintesia

Bideo honetan, Zygmunt Bauman soziologo Britainiarrak bere mundua eta oro har, gizartea ikusteko eta aztertzeko erak adierazten ditu. Bere diskurtsoan gizartean demokraziak izandako bilakaeraren ondorioak eta honentzako gaur egungo arriskuak azaltzen ditu. Demokraziaren bilakaerari dagokionez, Baumanek gizartea etapa trantsitorio batetan murgilduta dagoela adierazten du, hai zuzen ere, garai post-modernoan. Horri jarraiki, gaur egungo gizartean irrebersibleak diren bi ezaugarriz ere mintzatzen da, alegia, mundua interdependientea dela eta gizartea ingurugiro dilema batean murgilduta dagoela. Honentzako gaur egungo arriskuetan hauei buruz mintzatzen da: politika eta boterea elkarrengandik banatzen ari direlaz, demokrazia agora-post moderno batean murgilduta dagoelaz, eta gizakiaren kondizio indibidualaz. Amaieran, autorea bizitzaren anbibalentziaz eta poztasunaz mintzatzen da.

"Saregune"

         
             Berri honek Saregune proiektuaz dihardu. Saregune garapen komunitariorako zentro bat da, hain zuzen ere Sartu Alava Gizarteratze Elkartearen proiektua da, zeinaren helburu nagusia egoera ahuletan dauden pertsonak gizarteratzen laguntzea eta pertsona eta ingurune integratzaileak sustatzea den. 

             Teknologia berriak gasteiztar guztiei hurbiltzea du xede,  formakuntza ardatz nagusia izanik. Bertan egiten den lana hobeto ezagutu nahi izan du Hirinet-ek eta Ainara Pérez Saregune proiektuaren arduraduna eta hezitzailea eta Estibaliz Cáceres teknologia berrietan hezitzailearekin solas egin du...

             Hona hemen berri digitalaren esteka:

                                                                                 Saregune

«IKTen sektorean bezero gehiago daude profesionalak baino»

          Berri hau, IKT-ak telekomunikazioen munduan izaten ari diren onuretaz mintzatzen da. Oro har, azaleratzen du Banda zabala edo 4G esaten zaion teknologiak sekulako igoera izango duela aurreikusten dutela. 4Gak eskaintzen duena da gailu ezberdinen artean konektatuta egotea. Horrela, seinale kaskarra dagoen lekuetara informazioa bidaltzea errazten du.

           Telekomunikazioko profesionalentzat eta beste sektoreetan lan egiten dutenentzat. Bi esparru horietako pertsonentzat antolatu du Euskadiko Telekomunikazio Eskola Ofizialak Telekogaua izeneko jardunaldia. «IKTen [informazioaren eta komunikazioaren teknologien] esparruak etorkizun oparoa dauka,

           Hona hemen berri digitalaren esteka:

                                                                    IKT sektorean bezero gehiago

"Eusko Jaurlaritzak IKT-en hobekuntza sustatzen du"

Berri honetan, Eusko Jaurlaritzak IKT-en hobekuntza "Living Lab" izenekoen bitartez sustatzen duela adierazten da. Ekimen horretan, Eusko Jaurlaritzak bi proiektu pilotutan hartzen du parte, Osasun eta Kontsumo Sailaren (Osakidetza eta Osarean) eta Industria, Berrikuntza, Merkataritza eta Turismo Sailaren bitartez.

Ergolab ekimena, Eusko Jaurlaritzaren Industria, Berrikuntza, Merkataritza eta Turismo Sailak Berrikuntza Zuzendaritzaren bitartez bultzatzen duena, 2012aren hasieran sortu da, Euskadiko 2015 Agenda Digitalaren eta "living lab" eta "ergonomia digitala" kontzeptuen esparruan. Ekimen horren helburu nagusia da enpresei beren ergonomia digitala ziurtatuko dituzten produktu berriak sektore digitalean garatzeko aukera erraztea. Hain zuzen ere, herritarrentzat erabilerrazagoak eta irisgarriagoak diren produktu edo zerbitzu digitalak sortzea...

Hona hemen berri digitalaren esteka:

                                                      IKT-ak sustatzen

IKT jakintzagaieko 8. teoria saioko hausnarketa

    2014ko Abenduak 18


Gaurko IKT-ko teoria saioa, lauhilabete onetako azkena izan da. Oro har, jakintzagai honetan asko ikasi dudala eta batez ere, "gauza berriak" ikasi ditudala sentitzen dut. Nahiko prozesu zaila izan da, izan ere, gure aurrean izan ditudan baliabide digitalak oso berriak izan dira guretzako, baina azkenean, oso emaitza positiboa lortu dudalakoan nago. 

Saio honetan, orokorrean gure ikaskuntza porzesu kolaboratiboaz hitz egiten jardun dugu, zeinean, bidean edukitako zailtasunak alde batera utzi ditugula ohartu garen. Besteak beste, irakasgaiaren ebaluazio orokor bat egin dugu eta horretaz gain bideo bat ikusi dugu, meditazio mundutik zetrorren pertsona batek haren hausnarketak adierazten zituena. Gure irakaslearen iritzian, hausnarketa hauen mezua nahiz eta pixka bat mistikoa izan, badaude Lehen Hezkuntzara eramateko moduko ideia nabarmengarri batzuk. Hau da nire ustez bideoko pertsonaren mezutik gehien nabarmenduko nukeen ideia: "Las personas tendemos a fantasear mucho porque no tenemos solidas y estructuradas verdades o razonamientos en su interior".

Aipatzekoa da, irakasleak saioa amaitzean esker honak eman dizkigula berarekin ikaskuntza prozesu horretan parte hartu izanagatik eta IKT-en munduan hastapen bat izateagatik.

Honela definituko nuke azken saio hau grafiko baten bitartez:

IKT jakintzagaieko 14. praktika saioko hausnarketa

      2014ko Abenduak 18


            Honako hau azken praktika saioa izan da. Lauhilabete honetan 12 izan ditugu guztira eta gaurkoa azkena da. Oro har, nire sites-aren taldeko ariketa praktiko bat egiten jardun dugu. Ariketa "ikasgela batean watsaap aplikazio mobila erabiltzea"-n zetzan, ariketa praktiko bat egiteko eta ondoren egindakoa sites batera igotzeko. Orokorrean nahiko emaitza positiboa lortu dugula esan dezaket, izan ere, ikaskide guztiak nahiko motibatuta ikusi ditut bete beharreko atazaren aurrean. 

Ondoren, soinketa gelara lekualdatu gara ikaskideok ikusentzunezko bat ikusteko asmoz bertako proiektore digitalean. Azkenean, ezin izan dugu bideo hori ikusi, arazo tekniko ugari izan baititu irakasleak ordenagailuarekin. Hala ere, nik eta beste bi ikaskideok irakaslea laguntzen saiatu gara arazo tekniko horiei aurre egiten, baina azkenean ezin izan dugu nahi genuen bideoa ikusi. Halaber, oso saio interesgarria izan dela ondorioztatu du, zeren eta, irakasleak gure ikaskuntza-prozesuaren inguruko hausnarketa global bat egin duelako. 

Hona hemen azken saio hau definitzeko erabiltzea gustatuko litzaidakeen adierazpen grafikoa:

Modulu laneko bideoa

  

       Modulo lan honetarako, "kultura ondarea"-ren inguruko gaia jorratu behar izan dugu. Ez da batere lan erraza izan, azken momenturarte ez baitugu argi izan zein izango zen hartuko genuen norabidea. 

        Hori dela eta, prozesua zailtasunez beteta egon da baina proiektua bukatzerakoan esan dezakegu ena merezi izan duela hainbesteko esfortsua egitea.

Bideoa Lekeitioko portuan grabatutakoa da. Oro har, arrantzale baten bizitza kontatzen du agure zahar baten oroitzapenetatik. 


Agureak bere bilobei kontatzen die bera gazte izandakoan eramaten zuen bizitza, bere eguneroko errutinak eta orokorrean bere herriak bizirauteko zuen produkzio lehengaia, alegia, arraina. 

Praktika eta baliabide onen aportazio praktikoa

Hona hemen gure sites-ean landutako Lehen Hezkuntzarako baliabide digital batzuen bitartez praktikara eraman zitekeen ariketa praktiko baten aplikazioa.

Hau da ariketa honen azalpena:

Ikasgela batean ikasleak taldetxoetan jarriko dira, klase erdia alde batean eta beste erdia bestean. Klase erdi bakoitzeko talde bakoitzak mugikor bat izango du alboan. Mugikorrak watsaap aplikazioarekin lan egiteko balio izango du, komunikazio instrumentu zentral gisa. Klase erdi bakoitzeko talde bakoitzak daukan mugikorrak elkarren artean komunikatzeko ahalbidetuta daude “talde berdinean” baitaude klase erdi horretako taldetxo guztiak. Irakaslea, klase erdi bakoitzeko taldetxo bakoitzaren watsaap taldeen administratzailea izango da eta ariketa baten helburua idatziko du klase erdi bakoitzeko watsaap talde bakoitzean, desberdina bakoitzean. Talde bakoitzak mugikor bat besterik izango ez duenez, bere partaideak ondo antolatu beharko dira bakoitzak funtzio bat bete dezan, hau da, batek komunikatzailearen papera beteko du watsaap-eko taldean ariketaren inguruko zalantzak, aurkipenak, hipotesiak...  idatziz, beste batek ariketarako beharrezko informazioa bilatzen jardungo du eta beste batek, informazio hori prozesatu eta idazteaz arduratuko da. Ariketaren dinamika hauxe izango da: ikasleek irakasleak watsaparen bitartez adierazitako ariketaren helburua irakurri ondoren interneteko sare informatikoaren laguntzaz ariketa horren ebazpena idatzi eta ideien eta argazkien bitartez osatu behar izango dute power point batean. Horretarako ondo koordinatu beharko dira klase erdi bereko taldetxo guztiak eta komunikazioak berebiziko papera jokatuko du, azken batean nahiz eta fisikoki banatuta egon guztiak baitira talde berekoak.

                

        Azkenik, ordu bete igarotakoan, irakasleak watsaap taldearen bitartez, burututako lana sites batera igotzeko adieraziko die klase erdi bakoitzeko taldetxoei. Klase erdi bakoitzeko taldetxoek euren lana sitesera igo eta beste klase erddiaren aurrean aurkeztu beharko dute.

 

Flippear las clases: una apuesta diferente

      Honako hau, klaseak egiteko era desberdin bat azaleratzen duen slideshare bat da. Hau da, irakatsi nahi dena nola irakatsi eta batez ere, hezkuntzaren historian egin den modu desberdin batean egitea. Hezkuntzan betidanik "guztiok berdinak izatearen" eta "produktu amaitu bat" izatearen ideia landu izan da, eta hori dela eta, ikasleak ez du sekula ere bere konpetentzia pertsonalak garatzeko aukera izan.

    "Flippear" edota flipped classroom eskola 2.0-rako kontzeptu berri bat da, hain zuzen ere, sarean konektatuta lanean jardutearen metodologia didaktiko mota. Klase mota hauetan hauek dira aurrera eramaten diren printzipio nagusiak:

·         Irakasleak pentsatu eta materiala errazten du.

·         Ikasleak bere ikaskuntza prozesuaren asimilazioa hasten du.

·         Ikasleak zalantzak ikasgelan ebazten ditu.

·         Ikasleak klasean ikasi eta kolaboratzen du.

    

    Flipped Classroom-etan batez ere, ikasleek beren ikasketa proiektu propioa eratzeko bidea aurkitzea da helburua, baina aldi berean besteekin komunikatu, koordinatu eta kooperatuz.

    Gure ustez, aurkezpen honek azaleratzen duen informazioa gure gaiarekin zuzeneko lotura bat mantentzen du, izan ere, klase mota hauetan baliabide eta praktika onen erabilera egokia egitea ezinbestekoa da. Hori dela eta, oso dokumentu digital baliagarria dela irizten dugu eta edozein irakasleek begirada bat bota beharko liokeelakoan gaude.

IKT-en 3 praktika eta baliabide on

       Hona hemen gure sites-ean landutako praktika eta baliabide onen gairako hautatutako 3 baliabide gure ustez egokienak direnak Lehen Hezkuntzako ikasgeletara eramateko. Hori adierazteko Pow toon bat eratu dugu, baina hau, bideo horren transkripzioa da.

    

Talde moduan kooperatuz eta jardunez aste batzuen igaroan gai honen inguruan aurkitutako informazioa aztertzen eta horri buruzko ondorioak ateratzen egon eta gero, irizten dugu hainbat direla eskola 2.0 an aurki daitezkeen baliabideak eta haiekin egin daitezkeen praktika onak, baina 3 bereziki  diraela guretzako Lehen Hezkuntzako ikasgela batean praktikan jarri litezkeen baliabiderik onenak. Hain zuzen ere, arbel digitalak, prezziak eta sitesak.

    Arbela digitala baliabidearen praktika ona egitea ezinbestekoa da gaur egungo eskola 2.0 en funtzionamenduan. Oso garrantzitsua da baliabide hau erabiltzerakoan honako praktika hauek bereziki aurrera eramatea:

• Ikasgelako partaide (irakasle eta ikasleak) guztien artean jarduerak burutzea
• Jarduera horien zuzenketak gauzatzea
• Gai teorikoen inguruko sintesiak egitea
• Chat eta bideokonferentziak egitea
• Ikaskide guztien artean eguneroko blog-a birpasatzea
• Arbela digitalean dokumentatzea eta eztabaidatzea
• Hezkuntza bereziko ikasleek arratoi barik eta karaktere handiekin lan egitea
• Ikasleek informazioa eta errekurtso didaktikoak biltzea interneten eta hauek AD-an aurkeztea

    Prezzia, oso baliabide ona da ideiak, eskematizazioak, eta adierazpen grafiko zein audiobisual zehatzak elkarren artean lotzeko eta adierazteko. Bere erabilpen onerako praktika hauek aurrera eramatea ezinbestekoa da:

• Hitz gakoak erabiltzea
• Ideia zehatzak adieraztea
• Hizkuntza grafikoarekin jolastea
• Ikusentzunezkoak ideia baten eredu edo adibide gisa erabiltzea

    Sites-en sorkuntza oso baliabide didaktiko ona izateaz gain, pedagogikoa ere bada, izan ere, sites baten eraikuntzak ikasle sortzaileen arteko batasun eta kooperazioa ezinbestekoa egiten du. Hauek dira kontuan hartu beharreko punturik garrantzitsuenak:

• Landu beharreko gaiaren funtsa ondo ulertzea
• Ideien antolamendu egoki bat garatzea
• Lanaren inguruko erabaki guztiak ikasleen artean argudiatzea
• Prozesuan dauden ideiak paperean idaztea lehendabizi, gero sitesean isladatzeko

    Guk eraikitako informazio hau dinamiko eta interaktiboago egiteko honako aurkezpen hau azaleratzen dugu:

                                           Praktikara eramateko 3 baliabide on

Webquest

WebQuesta ekintza didaktiko gidatua da, Interneteko errekurtsoa erabiliz aurrera eramaten dena. Honen bidez, ikasleek abilezia kognitibo oso handiak erabiltzen dituzte eta haien lan indibidual zein kooperatiboa lantzen da. 

             Webquest-ak irakasleek erabiltzen dituzte informazioaren gizartearekin erlazionaturiko konpetentziak garatzen dituztelako. Honen lana ez da bakarrik galdera errazak erantzutea, egunerokotasunarekin erlazionaturiko gaiak lantzen dira modu motibagarri baten eta aldi berean, teknologi berriak erabiliz.

Musikako emanaldi artistikoa

Honako hau, musikako jakintzagaian aurten landu izan dugun emanaldi artistikoaren inguruko aipamen txiki bat da. Oro har, esan beharra dago hilabete bateko lana izan dela baina azkenean emaitza hona lortu dugulakoan gaudela, izan ere, ikaskide guztiei asko gustatu baizitzaien gure gaia. 

Lana gai baten inguruan, hezkidetza, familia... emanaldi artistiko bat sortzea zen, ondoren antzerki, dantza eta kanten bitartez bideo bat osatzeko. Guk ultura aniztasunaren gaia hautatu dugu, eta hau da guk osatu dugun historioaren sintesia:

Sintesia

Euskal Herriko mutil gazte batek munduko 4 leku miragarrietatik bidaia bat egin nahi du. Hala ere, arazo bat: ez daki nola egingo duen bidaia, munduko herrialde guztiak bere etxetik oso urrun baitaude. Egun  horretan, txirula bat aurkitzen du bere etxeko ganbaran, txirula hori jotzerakoan magikoa dela ohartzen da eta haren bitartez musikaz betetako bidaia batean murgiltzen da.

Storybird

Honako hau, erabiltzeko erraza den tresna digitala da. Storybird aplikazioaren bidez ipuin laburrak eta oso ikusgarriak egin daitezke. Dibertigarria izateaz gain, ikasleen sormena garatzeko tresna baliagarria da. 

SITES

Hau da praktika saioetan landu izan dugun sites-aren esteka. Bertan, baliabide eta praktika honen inguruko informazio anitz aurkituko duzue. Teoria zein praktika dago gure sites-ean beraz nahiko leku intersgarria delakoan gaude IKT-en inguruan gehiago sakontzeko.

                                                                   
                                                                 


                                         HEZITEKNIA

IKT jakintzagaieko 13. praktika saioko hausnarketa

                  2014ko Abenduak 12


            Jada praktikako 13. saioa da IKT-n eta gaur azken aurkezpenak dauzkagu. Dokumentatzaileak izan dira gaurko saioaren protagonistak, izan ere, haiek beren sites-ak aurkeztu behar izan dituztelako. Sites hauek oro har, oso ondo egituratuak egon dira, eta benetan txalogarria izan dela eskaini diguten informazio bilkura osoa entzule egon garenoi.

            Oso une garrantzitsua izan da gaurko teoria saiokoa, izan ere, bertan dokumentatzaileek ikaskide guztiok hilabeteetan zehar gauzatu izandako lanaren fruitu guztien inguruko balorazio konstruktibo bat aurrera eraman dutelako. Ez da gutxi izan egin duten ekarpena teoriako saioan, eta eskertzekoa da oso euren errespetuzko jarrera.

Besteak beste, horrela definituko nuke gaurko teoria saioa argazki eta hitz baten bitartez:

               



                           Talde-ekintza

IKT jakintzagaiaren 12. praktika saioko hausnarketa

            2014ko Abenduak 11

           
          IKT-ko praktika saio honetan, guk 4. taldeak, gure sites-a aurkeztu dugu. Pentsatu duguna baino luzeago atera zaigu aurkezpena, beraz, hurrengo asterako geratu gara amaitzeko geratzen zaigun alde praktikoa, hain zuzen ere, "baliabide on batzuk praktikara nola eraman beharra dauden era egoki batean" aditzera ematen duen jarduera bat.

Dena den, esan beharra dago gure lanak, haiera batean espero genuena baino itxura hobeagoa hartuz joan dela, prozedimendua hobetuz joan garelako eta pixkanaka arazo teknikoak aurreratuz joan garelako. Hori dela eta, balorazio positibo bat eman behar diodala uste dut gaurko saio praktiko honetan burututako ekintzari. Oso jarduera interesgarria suertatu zait pertsonalki sites-aren sorkuntzaren inguruan hitz egitea jendeaurrean, eta dokumentatzaileek gure lanaren alorrean iritzi hona edukiko dutela uste dut.

IKT jakintzagaiaren 7. teoria saioko hausnarketa

         2014ko abenduak 11


           Gaur teoriako 6. saioa da. Bertan, "teknografia" gaia landu behar zuten ikasleek euren bideoak proiektatu dituzte eta hauen inguruan zertxobait aritu dira. Oso interesgarria izan da ikustea zer nolako fruituak ematen dituen gogoz egindako lan, izan ere, teknografiaren lana norberak haren bizitzako unerik garrantzitsuenen bilketa bat osatzean datza, harik eta, zure bizitza era dinamiko eta ikusentzunezko baliaide batez partekatu ahal izateko.

Oso saio berezia izan da, ez bakarrik teknografiaren gaia nahiko interesgarria delako berez, baizik eta emanaldi hau ikusteko soinketako gelan egon garelako guztiak proiektorearen inguruan. Ikaskide entzule guztiak soinketa gelan zeuden eraikuntzako bloke batzuen gainean eseri edota etzan gara eta horrek ere "ezberdin" egin du klasea, eramangarriagoa eta dibertigarriagoa.

IKT jakintzagaiaren 11. praktika saioko hausnarketa

2014ko Abenduak 4


           Gaur 2. modulo asteko azken aurreko eguna da. Printzipioz ez geneukan IKT-ko saio praktikorik edukiko, baina aurreko astean ostiralean ez genuenez klaserik izan Magisteritza eskolako 4. mailako ikasleen graduazio tituluen jaialdiagatik, gaur berreskuratu dugu saio hori.

Blog-arekin zertxobait egon ondoren, taldean bildu gara sites-aren inguruko lanarekin aurrera jarraitzeko. Sites-aren aurkezpen egunaren aurretiko azken aurreko saioa zen eta ondorioz, taldekideen arteko lana ondo banatu eta bakoitzak egin beharreko ataza zein den argitu dugu.

Halako batean, irakasleak saioko giroa une batez eten du bideo adierazgarri bat proeiektatzeko eta haren inguruan aritzeko. Bideo honek "Sugata Mitra y sus nuevos experimentos en autoaprendizaje" du izena. Bideo honetan, Sugata Mitrak egindako ikerketa proiektuak ikusi ditugu. Honek Indian hasi zuen ikerketa kalean horma batean ordenagailu bat jarriz. Deigarria egin zait ikustea umeak interneten nabigatzen bakarrik ikasi dezaketela nahiz eta ordenagailu bat zer den ez ezagutu. Bestalde, umeei benetan gustatzen zaiena, nahiz eta inork azaldu ez, beraiek duten interesarekin azkenean gauzak erabiltzen ikasten dutela da. Hona hemen bideoa:

Procomun

Jarraian aurkitu daitekeen baliabide hau, Interneten bidezko orrialde bat da. Orrialde hau oso interesgarria da irakasleentzat, bertan, irakasleek irakatsi eta ikasi dezakete hezkuntza baliabide onenekin, hau da, bere klaseak bertan prestatu eta beste irakasleekin esperientziak partekatu ditzakete.

    Beste aldetik, erabili ditzaketen hezkuntza baliabideak hurrengoak dira:

•   Hezkuntza maila: Haur eta Lehen Hezkuntza…
•   Ikasgaiak-Irakasgaiak: matematika, gizarte zientziak, hizkuntzak…
•   Baliabide motak: argazkiak, ilustrazioa…

    Baliabide hau hezkuntza praktika on baterako erabili daitekela uste dugu, batez ere, irakasleek klasea antolatzeko beste modu bat da klasean dagoen monotonia apurtzeko asmoz. Hori dela eta, irakasle guztiek begirada bat bota beharko liokeela uste dugu.

                         

                                              Procomun

IKT jakintzagaiaren 10. praktika saioko hausnarketa

         2014ko Azaroak 27

Gaur saio praktikoko 10. saioa da. Oro har, nahiko giro lanpetua antzematen da ikasgelan, izan ere, ikaskide guztiok euren blog digitalen eta Sites-en entregatze datak hurreratzen direla somatzen gabiltza. Nahiko prozesu konplexua izaten ari da burutzen ari garena, baina era berean, oso aberasgarria, izugarri ikasten ari baitgara IKT-en eta baliabide teknologikoen alorrean.

     Aipatzekoa da, gaur oso interesgarria den gauza bat gertatu zaidala. Nire blog-ari gadget bat jarri nahi izan diot, eta horren azalpen edo prozedura zein zen ez dit irakasleak azaldu, baizik eta nire ikaskide batek. 

Honek berak erabilitako programa zein den erakutsi dit, baita horrekin hainbat eta hainbat gadget jarri daitezkeela ere.

IKT jakintzagaiaren 6. teoria saioko hausnarketa

2014ko Azaroak 27 

Gaurko saio teorikoan aurkezpenekin amaitu dugu, beraz, azken sei taldeen aurkezpenak ikusi ditugu. Oro har, aipatzekoa da talde hauek erabili izan dituzten baliabide digitalak, hala nola, pow toon, emaze eta prezzi. Landutako gaien artean hauek aurkitu ditugu gaur: konpetentzia digitala, ikaskuntza estrategak eta IKTak, eskola 2.0, Tic Tac praktika onak.... 

            Orokorrean esan daiteke gaurko taldeek ez dituztela zailtasunik izan lanak aurkezterako orduan. Denboraren antolaketaren aldetik nahiko denboralizazio ona izan dutela nabarmentzekoa da, eta horrenbestez talde hauen aurkezpenen balorazioa positiboa dela esan daiteke.

          Irudi grafiko honekin definituko nuke gaurko saioa:

IKT jakintzagaiaren 9. praktika saioko hausnarketa

   2014ko Azaroak 21

      

            Gaur praktikako 9. saioa da. Oso saio interesgarria izan da, izan ere, irakasleak gure Sites-aren eraikuntzarako "Scoop-it" baten eraketa beharrezkoa dugula adierazi digu. "Scoop-it" horrek Sites-ean esteka berezi bat izango du zeinek zuzenean eramango zaituen "beste plataforma digital batera", non funtzionaltasuna bereziki bideoak eta argazkiak txertatzea izango den.

       Guk bertan lan egiteko hautatu dugun gaia, orokorrean IKT jakintzagaieko kontzeptu orokorren dibulgazioa izan da, eta dagoeneko igo ditugu bi argazki eta bideo bat. Honako baliabide hau ezagutzak transmititzeko oso era erraza baina aldi berean eraginkorra dela ohartu gara. 

 

      Nahiko ondo moldatu izan gara harekin lehen momentutik, beraz, esan beharra daukagu ez daukagula arazo handirik baliabide honi dagokionez.

IKT jakintzagaiaren 8. praktika saioko hausnarketa

2014ko Azaroak 20


Gaurko praktika saioan, sites-aren sorkuntzan jardun dugu taldekideok. Nahiko aberasgarria izan da bizi izan dugun esperientzia, izan ere, sites-aren diseinu eta antolamenduaren inguruko xehetasunak argi utzi ditugu.

Jada, ausartago ikusten dugu geure burua, baina hala ere, handino gaiaren inguruan gehiago sakondu beharra daukagu. Hasiera batean, sites-aren orrialde edo atal guztiak goialdean geneuzkan jarrita, era horizontalean, eta orain albo batean ordenatuta daukagu. Pixkanaka gauzak atxikitzen dizkiogu eta gaur, prezzi baten sorkuntzaren inguruan bueltaka egon gara, bertan argazkiak eta bideoren bat jartzeko asmoz.

Nahiz eta aurrerago agian beste bideo bat txertatuko dugun, momentuz hau hartu dugu eredutzat:

                    Lengoaiarekin jolasten                                                 

                                                            

IKT jakintzagaiaren 5. teoria saioko hausnarketa

2014ko Azaroak 20

Gaurko teoria saioan, taldeen aurkezpenekin jarraitu dugu. Gaurkoak Konpetentzia digitala eta Eskola 2.0_Praktika Onei buruzkoak izan dira. Guztiak interes handikoak zuhertatu zaizkit baina batez ere, talde batena gustatu zait, alegia, aurkezpenak egiteko programa berezi bat erabili duena. Programa honek Emaze du izena eta power ponit-aren antzerakoa dela iruditu arren begi hutsetara, ez da ala. 

Saioa aurkezpenekin amaitu da, eta bukatu bezain laster ikaskide guztiok atsedenaldira joan gara. Hala ere, aurkezpenetan taldeek helarazitako informazioa jaso dudalaren sentsazioa daukat. 

Hauek dira aurkezpenetatik jaso ditudan ideia nagusiak:

• Konpetentzia digitalen gaitasuna eskaera konplexuei erantzuteko eta askotariko betekizunak baliabde digitalen burutzeko ahalmena da. 

• IKT-en bitartez ekintza eraginkorra lortzeko ezinbestekoa da kontuan izatea ezagupen, motibazio, balio etiko, jarrera, emozio eta bestelako gizarte- eta portaera-alderdien konbinazioa lortzea ezinbestekoa dela.

• Eskola 2.0-ak IKT-en bitartez pertsonen artean komunikatzea eta lankidetzan aritzea bultzatu nahi du etengabe.

El éxito - Elsa Punset, Redes RTVE

           Arrakasta izatea edo ez izatea gizakion buruhausterik larriena izan da beti. Uneoro gabiltza pentsatzen zer izan daitekeen arrakasta izateko egin behar duguna, "dena ondo atera behar zaigula" uste dugulako. Hala ere, ez gara konturatu ere egiten arrakasta ez izatean ere ez dela ezer txarrik gertatzen, ez baita "mundua amaitzen". Hori dela eta, zenbait adituren ustez gure eguneroko bizitzan "huts egitea naturaltasunez eramaten ikasi beharra daukagu". 

Halaber, oso zaila da arrakasta kosta ala kosta lortu nahi duen pertsona batek bere hutsegitean normaltasunez eramatea, izan ere, gizakioi huts egite batek min ematen digu 2x gehiago arrakasta izateak ematen diguna bano. Beraz, bideo honetan ideia horiek esleitzen dira eta batez ere printzipio moral hau gailentzen da: "esfortzatzen dena da arrakasta izateko bidean dagoena, berarekin ondo sentitzen baita, emaitza onak soilik bilatzen dituenak aldiz, ez dago benetako arrakastaren bila joaten".

            Hona hemen bideoa:

Klarinetea

Klarinetea nire instrumentua da, hobeto esanda, aitarengandik jaso dudana. Nire aita musika munduan bete-betean sartuta dago ikastola batean irakasle gisa eta Marmara (lehen zubipeko swin zena) jazz musika taldearekin. 6 urterekin hasi nintzen lengoaia musikalean eta 7 urterekin klarinetea jotzen. Aitak berea probatzen utzi zidan eta berehala gustatu zitzaidan. Ez dut harestik jotzeari utzi, eta ez dut inoiz uztearen ideia planteatu, izan ere, musika jotzen dudan bakoitzean nire barnean daukadan energia negatiboa kanporatu eta aske sentitzen naiz.

Klarinetea da nire instrumentua eta harekin musika sortzea gogoko dut. Putz egiten dudan bakoitzean emozio eta sentipen berriak aurkitzen ditut beti, musikak beti sortarazten baitie pertsonei gauza berriak.